导读
李彩華唱K突遭要求做伴遊：我話唔OK喎 李彩華在節目中透露，早年曾遇上令人匪夷所思的潛規則要求。」隨後伍詠薇與Brian追問對方有否開出金錢條件或報價，李彩華明確表示沒興趣談「價錢」，直言：「咦！她透露當年因父親做生意被生意夥伴背叛，導致欠下過百萬巨債，令當時未滿20歲的她被迫提早擔起整頭家的生計。
李彩華唱K突遭要求做伴遊：我話唔OK喎
李彩華在節目中透露，早年曾遇上令人匪夷所思的潛規則要求。事發於一次朋友間的聚會，席間突然有公司同事向她提出離譜要求。李彩華回憶道：「喺卡拉OK囉，因為就咁啱有一班friend嘅，喺度唱卡拉OK啦，無端端佢就話『彩華你過嚟過嚟』，咁就同我講嘢啦，就問我『阿邊個邊個話想同你去旅行』咁樣講，問我ok唔ok，我話『吓？唔ok喎』咁樣囉。」
李彩華質疑不務正業 澄清對方無提酬勞細節
面對突如其來的荒謬提議，李彩華坦言當刻感到極度奇怪與不解，認為當時該名同事理應專注製作影視作品，而非走歪門邪道。李彩華坦言當時的心情好奇怪：「你突然之間做啲咁嘅嘢……即係你唔好好去拍……即係開套戲嚟……大家拍好啲咁樣，無端端做呢啲咁嘅嘢。同埋覺得好奇怪囉，你會覺得以前唔會覺得佢係咁樣嘅嘛，以前都覺得都ok呀咁樣。」隨後伍詠薇與Brian追問對方有否開出金錢條件或報價，李彩華明確表示沒興趣談「價錢」，直言：「咦！我做乜要同佢去旅行啫？唔得呀！」
Brian李凱賢加碼爆料 目擊超紅女星做伴遊
談及演藝圈的伴遊傳聞，主持之一的Brian（李凱賢）隨即在旁忍不住加碼爆料，直指現實中確實有女星接受此類潛規則，更透露自己曾親眼目睹震撼一幕。Brian表示：「講起去旅行我真係見過喎！我見過都好出名、好靚嘅女演員……真係喺日本領事館，因為我搞緊簽證嘅，我見到佢同一個老闆，都幾出名嘅老闆。女藝人，好紅，紅到X咁嘅！」身旁的伍詠薇隨即追問詳情，Brian更補充指該名老闆「肥肥哋」，不禁驚嘆：「真係去旅行啊，原來有人係say yes㗎！」令伍詠薇十分好奇涉事者的身份，表示錄影完畢會要求Brian說出二人身份。
伍詠薇出席名流K局險遭強姦？
李彩華曾背百萬巨債 薪金全奉獻家庭
除了演藝圈的暗湧，李彩華亦在節目中重提當年轟動一時的家庭債務問題。她透露當年因父親做生意被生意夥伴背叛，導致欠下過百萬巨債，令當時未滿20歲的她被迫提早擔起整頭家的生計。李彩華憶述：「其實當時都係Daddy啲生意嘅問題啦，因為佢一開始做得都幾好啦，咁後尾就開始交畀啲partner囉，咁自己就少睇咗（生意），咁就俾人哋……即係食咗囉……」面對龐大債務，她毫無保留地傾盡所有：「其實嗰時我記得，總之每一次公司出糧，就係直接交畀我阿媽囉……除咗呢啲之外就媽咪都有問親戚朋友借囉！都好難嘅講真，嗰啲親戚朋友真係……」
李彩華遇前公司冷待看透人情冷暖
在家庭經濟陷入谷底之際，李彩華曾向當時的經理人公司反映情況，希望可以預支薪酬或增加工作機會，豈料換來的卻是徹底的心灰意冷。李彩華直言：「冇喎就係……其實當時有同我媽咪有同佢講過話，一年好似呢個數有啲少，可唔可以再即係幫手搵多啲呀，就冇囉完全都……完全冇進展囉，所以嗰時就好心灰意冷囉其實都。後尾知啦，後尾知道咗啦，但佢都冇特別幫，所以就心灰意冷囉！」表示當下感受到人情冷暖。
李彩華憶債主登門 母親強悍反擊
由於欠債累累，李彩華家中更一度遭債主登門追討，情況相當凶險。所幸李媽媽性格剛強，趕走「大耳窿」。在債務纏身之際，適逢香港爆發沙士疫情，演藝界陷入寒冬，李彩華更因為被爆家人欠債被公司雪藏，一度面臨零收入困境，連全港藝人參與的抗疫義演亦無緣出席。李彩華感嘆：「想解約囉，佢又唔肯解，其實講真我覺得佢哋都覺得我係可造之材……只不過佢嗰下可能又覺得……又唔想俾你走。」
陷入絕境之時，李彩華幸得圈中貴人出手相助，不僅欣賞她的潛質邀請她主演中央電視台大劇《昭君出塞》，更慷慨代她支付巨額解約賠償，助她脫離困境。李彩華感激表示：「佢幫我還咗幾十萬囉，我就做嘢還返畀佢，即係佢幫我出住先。」靠著努力接拍影視作品逐步還清款項，最終熬過人生最艱難的歲月。
来源：星島頭條
